എഴുത്തുകാരനും അതിലുപരി ഒരു യാത്രികനുമായ ഞാന്‍ തികഞ്ഞ സത്യാന്വേഷി കൂടിയാവുന്നു.കേരളത്തിലെ മലപ്പുറം ജില്ലയില്‍ നിലമ്പൂര്‍ സ്വദേശം. രാഷ്ട്രീയമില്ല, മതമില്ല, വെറുമൊരു അന്തര്‍മുഖനായ മര്‍ത്യന്‍ മാത്രം. മാനുഷികമായ ധര്‍മ്മനീതി വികലപ്പെട്ടു പോയ സമൂഹത്തില്‍ സ്വയം ഉള്‍വലിഞ്ഞു ജീവിക്കുന്ന ഒരു മര്‍ത്യന്‍.ചരിത്രത്തെ ചരിത്രമായി പഠിക്കുന്നതിലുപരി ഒന്ന് തുറന്നു നോക്കുവാന്‍ പോലും ഇന്നത്തെ തലമുറ ആഗ്രഹിക്കാറില്ല. അതിനായി സമയം കണ്ടെത്താറുമില്ല. ലഭ്യമായ പല ചരിത്ര ഗ്രന്ഥങ്ങളും രാഷ്ട്രീയമായ കാരണങ്ങളാല്‍ കാലാകാലങ്ങളായി വികലപ്പെട്ടു പോയിട്ടുള്ളതുമാണ്. എന്നാല്‍ ഇവിടെ ക്രൂരനും, ജൂതവിരോധിയും, പൈശാചികനും എന്ന് വര്‍ഷാന്തരങ്ങളായി നിരന്തരം മുദ്രകുത്തി മനുഷ്യ മനസ്സില്‍ വികലപ്പെട്ടു പോയ അഡോള്‍ഫ് ഹിറ്റ്ലര്‍ എന്ന ഇതിഹാസത്തിന്‍റെ യഥാര്‍ത്ഥ സത്യവശങ്ങളാണ് ഞാന്‍ ഈ വെബ്സൈറ്റ്ലൂടെ നിങ്ങളിലേക്ക് എത്തിക്കുന്നത്. ഈ വെബ്സൈറ്റ് ഇതുവരെ നിങ്ങളുടെ മനസ്സില്‍ നിലനിന്നിരുന്ന ഒരു പ്രതികൂലമായ ചിന്താധാരകളാല്‍ മുഖിരിതമാക്കിയ ഹിറ്റ്ലറിനെ കുറിച്ചുള്ള തെറ്റിധാരണകള്‍ മായ്ച്ചുകളയാന്‍ സഹായിക്കും എന്ന് എനിക്ക് ഉത്തമ ബോധ്യമുണ്ട്. അതിനായി രണ്ടാം ലോക മഹായുദ്ധത്തിന്റെ പശ്ചാത്തല കാലഘട്ടത്തില്‍ നടന്ന മൂടിവെച്ച അനവധി സന്ദര്‍ഭങ്ങളും അതിനോടനുബന്ധിച്ച് ഉണ്ടായിരുന്ന നിരവധി ഉടമ്പടികളും, പ്രസംഗങ്ങളും പ്രശ്നങ്ങളും ഉള്‍ക്കൊള്ളിച്ചിട്ടുണ്ട്. 

ഈ അറിവുകള്‍ എനിക്ക് അഭ്യസ്തവിദ്യരായ അധ്യാപകര്‍ പകര്‍ന്നു തന്നതല്ല. മറിച്ച് യുക്തിസഹജമായി ചിന്തിക്കുന്തോറും യുക്തിഹീനമായി മാറിക്കൊണ്ടിരിക്കുന്ന ചിന്തകള്‍ എന്നെ ചരിത്രസത്യങ്ങള്‍ മൂടിവെച്ച അഗാധമായ ഗര്‍ത്തത്തിലേക്ക് കൂട്ടിക്കൊണ്ടുപോയി. സ്വയം വായിച്ചും പലരോടും ആശയവിനിമയം നടത്തിയും സസൂക്ഷം പഠിച്ചും നിരീക്ഷണം നടത്തിയും പലരില്‍ നിന്നും അറിവുകള്‍ ഗ്രഹിക്കുകയും ചെയ്ത ഈ അറിവിനെ ഒരു Pseudo Education പ്രകാരം കിട്ടിയ ഡിഗ്രീ പദവിയില്‍ ഒതുക്കാന്‍ ഞാന്‍ ആഗ്രഹിക്കുന്നില്ല. കാരണം അതിനേക്കാള്‍ ശ്രേഷ്ട്ടതയുണ്ട് ഈ അറിവിന്‌. സത്യമാണ് ഞാന്‍ പിന്തുടരുന്നത്, വെളിച്ചമാണ് എനിക്കഭയവും. ഞാന്‍ വെറും പച്ചയായ മനുഷ്യന്‍ മാത്രമാണ്. എന്‍റെ സ്വദേശമോ, മതമോ, ജാതിയോ, വര്‍ണ്ണമോ, ഡിഗ്രീയോ, സ്ഥാനമോ അല്ല ഇവിടെ പരിഗണിക്കേണ്ടത്. മറിച്ച് ഞാന്‍ എന്താണ് ഈ വെബ്സൈറ്റ്ലൂടെ വെളിപ്പെടുത്തുന്നത് എന്നത് മാത്രമാണ്. അതിനാല്‍ ഞാനെന്ന വ്യക്തിയുടെ പിന്നാമ്പുറ കഥകള്‍ക്ക് ഇവിടെ യാതൊരു പ്രസക്തിയുമില്ല.